BAK OETLAOTE, NOG:
PREENS ROY I
NUJS
| NIEKS IS ZOE SJOEN IN TOP 1.111 |
Eindelik! Nieks is zoe sjoen, d’r absolute top-sjlager van Segietere sjtèit ien de TOP 1.111 die doër L1 wurt oetgezonde van 6 t/m 17 februari. Nieks is zoe sjoen is éine van de hoegste nujje binnekoëmersj, van nieks op nummer 55, nieks is zoe sjoen. Dao is trowwens geng jurie aan te pas gekoëme, alleng e bietsje netwirke. Loester nao L1 op vriedig 17 februari tusje 10.30 en 11.00 oor, en d’r kint ’t live mitmaake. Bekiëk de ganse liës op dieze leenk: |
| SEGIETERE OP ’T LVK |
Oondanks dat d’r sjlager van Segietere neet ien de finale van ’t LVK sjtong, zaot d’r toch e sjtukske Segietere ien de oetzending. Edere arties woert namelik vuuergesjteld mit e filmke gemak ien èine van de 19 kerne van Eijsde-Mergraote. D’r kint ’t resultaat beloore doer op diese leenk te klikke. |
| PREENS 2012: PREENS ROY I |
Zaoterdig 21 januari is ’t nujje Preensepaar van CV de Kleindererre oetgerope: Preens Roy I en Preenses Kim (Roy Packbier en Kim Ackermans). De oetrooping voond plaatsj nao aaflaop van de groete zitting, mit aog diet jaor artieste oet aege durp. Preens Roy I wurt officieel geïnstalleerd op zaoterdig 4 februari op de galapreuverij. ’t Programma is es volgt: 17.00 oor: Galapreuverij. 3-gange carnavalsnoon mit o.a. de installatie en proclamatie van Preens Roy I en optreijes van Klommel Blaos oet Segietere en Kartoesj oet Lömmerig. 20.11 oor: Galareceptie ter iere van Preens Roy I en de jubilarissen Jos Custers (2x11) en Bram Muller (1x11). 22.11 oor: Galabal. Awwerwits aan de geng mit Toutes Directions. Kaarte vuur de galapreuverij zien te besjtelle via dieze website. |
| KAARTVERKAOP VIA WEBSITE VAN SJTART |
Vanaaf noe is ’t mäögelik kiertjes vuuer de zitting en de galapreuverij via oze website te besjtelle. Zaoterdig 21 januari Groete carnavalszitting ter iere van Preens Iwan I en Preenses Manuela, mit optreijes van artieste oet eige dörp. ‘t Begint um 19.33 oor. Preens oetroope: 23.11 oor. Vuuer de zitting zien alleng nog sjtaonplaatsje te kaop à € 7,50. Zaoterdig 4 februari: galapreuverij 3-gange carnavalsnoon mit o.a. installatie en proclamatie van d’r nujje Preens en optreijes van Klommel Blaos oet Segietere en Kartoesj oet Lömmerig. ’t Begint um 17.00 oor. Kaarte vuur de galapreuverij koste € 18,50. |
| DATA 2012 |
Zitting: zaoterdig 21 januari Galapreuverij: zaoterdig 4 februari Vuurverkaop: zaoterdig 7 januari Foto’s 11-11-11 sjtun op d’r website! |
| ALAAF SEGIETERE – CV de Kleindererre veert 11-11-11 |
’t Is bienao zoewiet: 11-11-11. Diet jaor gun v’r dat op ’n biezeunder meneer veere. Um exact 11.11 oor oepen v’r ’t nujje sezoen bie ’t aad-gemengtehoes. Daonao maak v’r ‘nne roondgank doër ’t dörp en de gehuchte. Op mer leefs 11 plaatsje maak v’r ‘nne sjtop en gebäört get biezeundersj. De route is es volgt: Sjtart: Aad gemengtehoes 1 – Dörpsjtraot – Libekersjtraot – Tiendsjtraot – Sjoelplein 2 – Tiendsjtraot – Korenhof – Burg. Beckerssjtraot – Buitenend – De Uithof – De Laathof 3 – Achter de Höfkens – Nuj Hofsjtraot 4 – Burg. Wolfssjtraot – Genin 5 – De Bukel – Moersjel 6 – Libeek 7 – Heerkoel 8 – Herkenter 9 – Roskoel - Stéégske – Sjoelsjtraot 10 – Dörpsjtraot – Café ’t Centrum 11: Einde. Natuurlik gaet e buffitsje mit en is d’r oonderwiëg get te iëte. Sjuus wie mit päölke-hawe probeer v’r vuur d’r duuster wir truuk te zien. V’r sjlete ’t fête gezamenlik aaf ien os clublokaal bie Elly en Sjuul. CV de Kleindererre en de aad-preense gun ien eder geval mit. Aog de sjoelkeender en de Kerstaenjelrapers dun mit. Sjleet uuch aan of kom ‘ns effe kieëke es v’r ien de buurt zien. Ederein is welkom: groet, kleng, joonk en aad. LIT OP! >> Sjtart ien de Dörpsjtraot um 11.11 oor. >> Dresscode: doot uug get aan oe-ien d’r uug op ’t gemaak veult. >> Wèèr of gèè wèèr: ‘t fête gèèt altied doer. |
| ALAAF SEGIETERE - CV de Kleindererre veert 11-11-11 ! |
Vriedig 11 november 2011 is vuur carnavalsveerdersj ‘nne hiele biezundere datum. Natuurlik veer v’r dan de oëpening van ’t carnavalssezoen, meh de combinatie van d’r 11e van d’r 11e ien ’t jaor 2011 mak ‘t wal hiel speciaal. Jaomer um zoemér vuurbie te laote goeën. Daorum maak v’r dae biezundere daag tusje 11.11 en 18.11 oor ‘nne roondgank doër ’t dörp en de gehuchte. Op mer leefs 11 plaatsje maak v’r ‘nne sjtop en gebäört get biezunders. Sjleet uuch aan of kom ‘ns effe kieëke es v’r ien de buurt zien. Ederein is welkom: groet, kleng, joonk en aad. CV de Kleindererre en de aad-preense gun ien eder geval mit. Nao aflaop van d’r sjtoet sjleet v’r ’t fête aaf ien os clublokaal bie Elly en Sjuul. LIT OP! > Sjtart ien de Dörpsjtraot um 11.11 oor. Kiek vuur de route en ’t tiedsjema t.z.t. op www.cvdekleindererre.nl > Wèèr of gèè wèèr: ‘t fête gèèt altied doer. |